top of page
Search
  • Writer's pictureLaurence Lai

▪暴政 - 第3️⃣章: 小心一黨專政▪



政黨並非一開始就具備改造國家或壓制反對者的所有能力。他們利用重大歷史時刻,讓反對者從政治舞台上消失。因此我們必須支持多黨政治體系,守護民主選舉的相關規則,盡可能投下你手中的地方性與全國性的選票,也可以考慮自己出馬競選。(取自本章標題頁。)


從來都係"一黨專政",以前都話勤政愛民,由政治家去管理,但之後大家奴性加深,大家種下嘅果,但今日要年青人去受……


到真正一黨專政後,你手上嘅一票,就好似書中所講可能係你一生最後一次去行使。




問題 (Problem):


雖然沒有正式執政黨,而係有多個政黨在議會議政、監察政府,但為咗私利,又或家族關係所以有政治任務,自自然然慢慢歸邊,形成"唯一"大黨。為確保自己、家人利益及有關家族生意等等不受影響,做出一啲只為討好選民(背後利益被損而不自知)、中央為目的嘅舉措,甚至無期望佢哋會做嘅都會竭盡所能,真係堪稱超級代理人。既然有咁好嘅Agent,政府當然唔會浪費,要錢比錢,要人幫你响對家買人,市民最終"受益"……


風險 (Potential Risk):


社會應有嘅多元聲音,慢慢變成只有一種,最終市民利益及權益受損,敢怒而不敢言。市民嘅生活上嘅選擇、學習、創業嘅機會慢慢被減少,甚至被剝削。


根源問題 (Root Cause):


市民大衆只重視自己呢一代嘅眼前利益及着數,邊一個黨"幫"到自己,當然要"幫"返佢,慢慢令佢坐大,而大家建基於着數文化,忘記自己應有權利及應負嘅義務,甚至將其"出賣",換取短暫利益,然而犧牲咗下一代生活、工作甚至生存機會。


解決方法 (Solutions):


付出多啲時間聆聽同關心上一代所需,從心身靈着手,等佢哋知道自己屋企人都可以响唔多嘅時候幫到佢哋,之後開始思想再教育,令到佢哋知道每個公民不論老幼同政府嘅關係唔係建基於着數,係要監察政府,避免法治同體制被破壞。當然自己要提升公民意識才可正面影響身邊嘅人,因為只有大家有共同意識同智慧,才可以令到政府減少對你自己權利受損嘅機會。


8 views0 comments

Comentários


bottom of page